[ Chapter 1 ] Love, Time and Space

“Shane? Okay ka lang ba dyan?”

“Huy Sis! Sagutin mo naman ako.”

Ang sunod-sunod na tawag ni Joyce.  Halos gibain na niya ang pintuan ng cubicle sa CR ng kumpanyang kanilang pinagtatrabahuhan.

“Nag-aalala na ako sa’yo best.  Ayos ka lang ba dyan?”

Nakarinig siya ng mahinang kaluskos sa loob at kasunod nyon ay dahan-dahang bumukas ang pintuan ng cubicle.  Tumambad kay Joyce ang kaawa-awang anyo ng kanyang matalik na kaibigan.  Bakas sa mukha nito ang labis na kalungkutan.  Namumula at namumugto sa luha ang mga mata ni Shane.  Bago pa man makapag react si Joyce ay mabilis siyang sinunggaban ng mahigpit na yakap ng kanyang kaibigan.  Kasunod nyon ay umalingawngaw sa loob ng buong CR ang paghagulgol ni Shane.  Bakas sa bawat pag hikbi nito ang pait at sakit ng kaloobang kanyang dinadala sa mga oras na iyon.

“Wala na kami ni Jake.  Siya na mismo ang kusang nakipag break sa akin.  Nawalan na daw siya ng gana sa relasyon namin.  Ang sakit-sakit lang Joyce.  Nung isang linggo lang maayos pa kami.  Ang saya-saya pa namin.  Pero bakit bigla na lang nagka ganito ang lahat?  Huhuhuhu!”

Ramdam ni Joyce ang sakit ng kaloobang pinagdadaanan ni Shane sa mga sandaling iyon.  Somehow ay nakakarelate din siya sa kanyang matalik na kaibigan.  Ilang beses na rin niyang naranasan in the past na ma-reject ng mga lalaking kanyang nakarelasyon. 

“At alam mo ang pinakamasakit pa dito ay napaka bilis niyang nakahanap ng kapalit ko sa puso niya.  Nakita ko silang magkasama nung girl kaninang umaga sa coffee shop na malapit dito sa office.”

Hindi makapagsalita ng maayos si Shane dahil sa matinding pag-iyak.  Halos pautal-utal niyang binibigkas ang bawat salitang lumalabas mula sa kanyang bibig.

“Huhuhu! Sobrang sakit lang talaga.  Parang di ko matanggap na mauuwi lang sa wala ang halos isang taon naming relasyon.”

“Ssshhhh… tahan na Shane.  Mabuti na rin siguro na ganyan ang nangyari.  At least nalaman mo ng maaga ang tunay na kulay ng lalaking iyon.  A jerk like him is not worth your time and emotion.  Kaya tahan ka na ha!?”  Pilit na pinapakalma ni Joyce ang kalooban ng kanyang kaibigan sa abot ng kanyang makakaya.

Lumipas ang ilang linggo, patuloy na naging malulungkutin at depressed si Shane.  Mabuti na lamang ay laging nanjan sa kanyang tabi si Joyce upang siya’y alalayan at paalalahanan na maging matatag.

Isang hapon ng Huwebes, isang buong araw na naman ng pagtatrabaho sa opisina ang kanilang natapos.

“Oh Shane, hindi na muna kita masasabayan sa pag-uwi ngayon ha?  Pinasuyo kasi sakin ni Mama na singilin yung utang sa kanya ng tiyahin ko.  Alam mo naman, gipit din kami ngayon.  Ayus ka lang naman na mag-isa muna sa pag-uwi diba?”

“Oo Joyce, Ayus lang ako.  Sa totoo nga nyan, ako na itong sobrang nahihiya na sa iyo eh.  Ang laki na ng naitulong mo sa akin.  Ikaw itong naging shock absorber ko these past few days.  Maraming salamat talaga ha.  Baka naluka-loka na ako kung wala ang tulad mo sa tabi ko.”

“Sus, ang drama mo ha!” sabay sundot sa tagiliran ng kanyang kaibigan.

“Kaya nga tayo mag-best friend diba? Oh siya, siya, baka gabihin na ako.  Dun na ako sa kabilang kalye mag-aabang ng jeep na biyaheng Pasay.  Oh, pano kita-kits na lang tayo bukas ha.  If you’ll ever need me, I’m just a text or call away… and remember itago mo din ang mga kutsilyo at blade.”

“Tse! Sira ka talaga. Oh sige nah, magkita na lang tayo ulit bukas.” Ang masayang tugon nito sa kaibigan.

Habang pinagmamasdan makalayo ni Shane ang kaibigan ay tila nakaramdam na naman siya ng kalungkutan.  Tutal ay maaga pa naman, napagpasyahan niyang tumambay muna saglit sa isang malapit na park.  Naupo siya sa isang wooden bench sa may ilalim ng isang malaking puno ng Mahogany.  Doon ay sinariwa niyang muli ang mga pangyayari sa kanyang buhay nitong mga nagdaang araw.  Hindi niya namalayan na dahan-dahan na pa lang dumadaloy ang masaganang luha mula sa kanyang mga mata.  Hanggang sa narealized niya na kailangan na pala niyang umuwi.

Pinili ni Shane na tumawid sa isang di kalakihang private road, ang pinakamalapit na daan patungo sa terminal ng FX na biyaheng Cubao.  Tahimik ang kahabaan ng buong kalye.  Mangilan-ngilan lamang ang mga taong naglalakad sa bangketa. 

Dahil sa matinding kaiisip sa mga nangyari sa kanyang buhay these past few days ay hindi na nakita  ni Shane ang paparating na humaharurot na pulang kotse.  Huli na nang mapansin niya iyon.  Halos mga three feet na lang ang pagitan ay tatama na sa kanyang katawan ang bakal na bumper ng kotse.  Huli na para umiwas.

“Diyos ko!” ang tanging nasambit ni Shane sa sarili…

“Kayo na pong bahala sa akin.”

Napapikit na lamang siya sa mga sandaling iyon.  Hinihintay ang posibleng katapusan.  Nang bigla na lamang niyang naramdaman na parang may kung sinong tumulak at yumakap sa kanya.  Napaka bilis ng mga pangyayari.  Pagmulat ng kanyang mga mata ay natunghayan na lamang niya ang kanyang sarili na nakahiga na sa malambot na Bermuda grass sa isang bakanteng lote malapit sa pinangyarihan ng supposed-to-be na aksidente niya.

“Miss, okay lang kayo?” Isang malambing na tinig ng lalaki ang kanyang narinig.

Paglingon niya sa kanyang kaliwa ay nakita niya ang isang lalaking nakatunghod at nakangiti sa kanya.  Sa kanyang tantya ay nasa pagitan ito ng edad 23 – 25.  Disente itong pagmasdan sa kanyang suot na powder blue long-sleeved shirt na binagayan ng necktie na may black and silver stripes, black slacks at black leather shoes.  Katamtaman ang kanyang pangangatawan at tangkad.  Sa tantya ni Shane ay nasa 5’7 ito.  Hindi sila nagkakalayo pagdating sa height.  May maliit itong dimple sa magkabilang pisngi na lalong nagpa guwapo dito.

Saglit na natulala si Shane sa kanyang nasaksihan…

“Errr… Miss? Yohooo!? Ang sabi ko, ayos lang ba kayo?”

To be continued...

----- Pasasalamat -----

Nais ko rin pasalamatan ang lahat ng bumisita at nagbigay panahon sa aking previous entry titled Congratulations, your vote has been registered!  Shout out goes to the following:

Bino, Olivr, MEcoy, Superjaid, sherene, Umi, Rix, Jei Son, eMPi, 88-Nutty Thoughts-88, jonathan, JonDmur, Wrey Swift, Joy, Senyor Iskwater, Arvin U. de la Peña, Bulingit, Ric LifeNCanvas, Pao Kun, Leah TravelQuest, Xian, Phioxee, ZaiZai, glentot