Gusto ko ng ice candy!

Alright, buti naman at sinapian ulit ako ng kasipagan para makabuo ng isang post kahit bago man lang matapos ang buwang ito. 

Let’s get it straight to the point.

“Post mo, opinyon mo.  Wala akong karapatan na pakialamanan yan.  Post ko, opinyon ko.  Kung naapektuhan ka, then it’s not my problem anymore.”

Ang number one rule ko sa Facebook at Twitter, walang pakialamanan sa kung ano ang nakapost sa timeline ng iba.  Kanya-kanya kasing opinyon yan eh.  Lahat tayo may iba’t ibang take sa mga bagay-bagay at issues sa ating paligid.

Never akong sumugod sa timeline posts ng iba para lang makipag diskusyon or makipag “trashtalk’an” dahil lang against sa aking paniniwala yung kung ano mang nabasa ko sa post na iyon.

Never din akong nag PM or DM sa kahit na sino porke hindi ko lang nagustuhan yung nabasa ko sa pinost nya.  Yun ang paniniwala nya eh at hindi na dapat pang panghimasukan.

Kaya natatawa na lang ako pag may bigla-biglang magp-pm or dm sa akin at pagsasabihan ako ng kung anu-anong ka-negahan dahil lamang sa hindi nya nagustuhan yung ipinost ko.  Ano yun, wala na ba akong karapatan magpost sa sarili kong timeline at kailangan mo pa talagang manghimasok sa bakuran ng iba? Haha.   It only means na siya itong sobrang affected.  Mag-effort ba naman na i-pm/dm ka eh.

Hindi ko rin ugali ang basta-basta na lamang mag-a-unfriend sa facebook kung wala rin lang mabigat na dahilan.

Kaya natatawa na lang ulit ako sa kababawan ng ibang tao na bigla ka na lang i-a-unfriend dahil lamang may naipost kang something na di nila nagustuhan lalo na kung tungkol sa pucho-puchong "fandom war" na yan.

Hindi naman lingid sa inyong kaalaman na solid Kapamilya fan na ako noon pa man.  Kahit noong hindi pa man nauuso yang dalawang pantanghaling love teams ng magkalabang network ay very vocal na talaga ako sa pagsuporta sa Dos.   Kung matagal ko na kayong friend sa facebook at followers ng blog na ito, alam na alam nyo yan J  So very obvious naman kung saan ako papanig diba?

I also know my limitations.  Hindi porke nakikisali ako sa “fandom wars/network wars” na yan ay wala na akong paki-alam sa iba pang mga mahahalagang issues ng ating bansa.  FYI lang, as early as now ay meron na akong listahan ng mga napupusuan kong mga kandidato para sa National Elections next year.  Tumutulong din ako sa social media campaign ng Apple Drive Project ni Sir Rj Garcia on facebook.  His advocacy aims to educate parents and children of impoverished areas of the Philippines the importance of proper hygiene and healthy eating.  Alam ko din ang dahilan kung bakit laging nakaupo ang papel ni Apolinario Mabini sa Heneral Luna movie haha /joke

So ayun lang and I will end this post with this kowtabol-kowts:

“I’m responsible for what I post.  You’re responsible for what you understand.”

Tara kain na lang tayo ng ice candy!