Goodbye 2012, HELLO 2013!

Current Time: 7:25 AM. So kamusta naman kayo? rather ako muna? Halos 3 hours pa lang ang tulog ko, eto at nakaharap na naman sa monitor ng computer. So kamusta naman yun? adik much lang? 

Hopefully, ay naging maayos at masaya ang pagsalubong ninyo sa taong 2013 kagabi. Teka, pakibilang muna ang mga daliri sa kamay at sa paa ninyo.  Kumpleto pa ba? 20 all in all? Good!

Sumipat-sipat din ako sa mga bagong entry ng aking mga kaibigang bloggers at napansin ko na uso yata ang "year end post special", gusto ko sanang gumaya kaso wala naman talaga akong maikukwento sa inyong mga nakakagilalas at kahindik-hindik na mga pangyayari sa buhay ko bilang isang blogero. Saka kababalik ko lang din sa mundo ng blogging nung nakaraang July 2012. Kaya hindi magandang tingnan kung incomplete ang magiging year end post ko.

So yeah, naging maayos naman ang pagsi-celebrate namin ng bagong taon dito sa San Mateo. Sobra akong naaliw sa mga makukulay na aerial fireworks ng aming mga kapitbahay. Although parang mejo nabawasan ang dami ng pinaputok nilang aerial fireworks kagabi compared sa mga nakaraang taon, still bongga pa rin naman.  Saka, usong uso din ang Sky Lanterns ha, halos lagpas 50+ yata yung nakita kong naglulutangan sa madilim na kalangitan kagabi.  Gasgas na gasgas din sa aking pandinig ang kantang Gangnam Style na pinatutugtog sa aming buong neighborhood. Pero ang mga bagets sa labas, sige hataw naman sa pagsayaw lols!

May ipo-post sana akong mga pictures dito na kuha ko kagabi kaso lang, ang shunga kong kapatid iniwan yung charger ng one and only digicam namin sa bahay nila sa Pasig. Ayun drained ang battery. Kainis! Siguro ihahabol ko na lang sa next post ko yung mga pictures.

Muli ay taus puso akong nagpapasalamat sa inyong lahat na naging malaking bahagi ng aking buhay blogero dito sa mundo ng blogosperyo. Sana ay huwag kayong magsasawang bumisita at makipagkulitan sa akin on the year ahead. Cheers!

H A P P Y ~ N E W~Y E A R!

We will open the book. Its pages are blank. We are going to put words on them ourselves. The book is called Opportunity and its first chapter is New Year’s Day.