21 Random things about me

I was inspired by Fr. Felmar's entry about some random stuffs about his self on his blog. Kaya, I also decided to post my very own ^_^

1. Apat kaming magkakapatid sa pamilya. Two boys, two girls. Pangalawa ako sa panganay. Dalawang babae na yung sumunod sa akin.

2. Asthmatic ako noong bata pa ako kaya madalas akong dinadala ng father ko sa Luneta, particularly dun sa may break waters sa Manila Bay. Ang paniwala kase nya, nakakagaling ng hika ang fresh sea breeze (noon yun, mga early 90's - nung hindi pa polluted ang Manila Bay lols) Awa ng Diyos, gumaling naman ako.

3. Hindi talaga ako magaling sa subject na Math. Greatest weakness ko na siya talaga kahit noon pa man. Hindi ko nga alam kung paano ako naging Fourth Honor nung Grade 6 eh lols.

4. Lahat ng pinasukan kong Schools ay laging malapit sa ilog. Banaba Elementary School - nakaharap siya sa Nangka River (boundary ng Marikina at San Mateo). Roosevelt College San Mateo - San Mateo river naman ang nasa likod ng school. PUP Sta. Mesa - Pasig river naman ang nasa likod nito.

5. Nakarating na rin ako sa Camp Tecson [First Scout Ranger Regimen] sa San Miguel, Bulacan as part of my ROTC training class nung college. Malawak at napaganda nung buong lugar. Medyo nakakaintimidate yung mga sundalo at scout rangers na nagte-training dito. Di ko din malilimutan ang sakit ng katawan na dinanas ko dito while doing some military excercises. First time ko din maexperience mag "Slide for life" dito. Todo kaba pa ako nung una dahil ang taas nung cliff sa gilid ng ilog. Pero nagawa ko naman. Success! Ang sarap sa pakiramdam.

6. May pagka-nerbyoso ako. Hindi lang halata. lol.

7. May pagka-OC ako. Gusto ko laging malinis sa katawan at sa paligid ko.

8. I love seafoods. Gustong-gusto ko ang shrimps. I also love fruits and veggies. Paborito ko ang pakwan at melon. Kumakain din ako ng kahit anong klaseng gulay - talbos ng kamote, amplaya, okra, kangkong etc. Di ko lang gaano trip ang lasa ng asparagus.

9. Hindi ako mahilig sa ma"Sauce" na mga pagkain. Paksiw na galunggong, pritong tuyo or itlog na maalat lang solve na ako.

10. Isa sa pinaka favorite kong classic tagalog movie ang "Kumander Bawang" ni Herbert Bautista. Sana may makaisip na gawan ng remake ang pelikulang ito.

11. I'm a hopeless romantic [period]

12. Gustong-gusto kong nakikinig sa original sound tracks ng mga pelikula at tv dramas, local man ito or foreign made.

13. Mahilig din akong magbasa ng libro. Si Bob Ong ang favorite pinoy author ko. Siguro, pareho kaming may tinatagong mga kalokohan sa buhay. Sa lahat ng librong kanyang isinulat, naging paborito ko ang "ABNKKBSNPLako?" at ang "Alamat ng Gubat".

14. I am also a huge Harry Potter fan. Nabasa ko na yung seven book series about "...the boy who lived" ni Ms. JK Rowling. Medyo nagkaproblema pa ako nung una dahil medyo malalalim na British English ang ginamit nya sa pagsusulat na hindi ko naman masyadong naiintindihan. Kaya kinailangan ko pang magdala lagi ng English Dictionary tuwing magbabasa ako nito. Malaki pala talaga ang differences ng American English sa British English.

15. I'm a huge Anime fan! Kulang siguro ang espasyo ng pahinang ito kung ililista ko lahat-lahat ang mga paborito at napanood ko nang mga animes sa tv at sa internet, mula noon at ngayon.

16. I am also a gamer at heart. Ang Final Fantasy series for the PS game console ang all time favorite game ko.

17. I love watching Korean, Japanese, and Taiwanese dramas.

18. Mahilig din akong makinig sa JPOP at KPOP. Kahit hindi ko gaano nauunawaan ang lingguwaheng ginagamit sa mga awiting ito, go go go pa din!

19. Hindi ko pa nararanasan ang malasing ng todo. I mean, yung tipong gumagapang ka na pauwi sa inyo. Umiinom ako pero laging in control lang. Hindi rin ako nagyoyosi.

20. Gustong-gusto kong subukan mag Taekwondo. Dream ko na talaga to simula pa nung bata pa ako. Feeling ko ang astig-astig sa pakiramdam habang suot mo yung white robe with matching black belt... at syempre, for self-defense reason na rin.

21. First time ko din maranasan ang isang grabe at malawakang pagbaha dito sa aming lugar noong kasagsagan ng bagyong Ondoy. Mabuti na lang at hanggang lagpas tuhod lang umabot ang tubig baha sa loob ng bahay namin. Sa ibang part ng Baranggay at ng bayan namin, lagpas tao yung tubig. Grabe talaga, total devastation ang nangyari. Nang humupa ang tubig baha, nalantad ang kalunos-lunos na sinapit ng aming lugar. Magulong-magulo. Parang may gera. Tambak ang putik at basura sa paligid. Marami ang nawalan ng tirahan. Pero laking pagpapasalamat pa rin namin kay Bro dahil hindi niya kami pinabayaan during those dark times. Then three months later, fully recovered na rin ang lugar namin ngayon.