20 signs na summer na talaga sa Pinas!

 *Whew* Aminin nyo, intense na talaga ang init ng panahon these past few days diba?  Ibang klase na rin magpakitang gilas itong si Haring Araw.  At dahil jan ay opisyal na ngang dineklara ng PAG-ASA ang pagsisimula ng summer season sa ating bayang magiliw.  Kaya naman bigla akong nagka-idea na mag-jot down ng mga common at ilang nakakatuwang mga signs na talagang summer na nga dito sa Pilipinas.  Here we go:

1. Marami ka nang makikitang mga nagtitinda ng Pakwan, Melon, Singkamas, Mangga at iba pang summer fruits sa paligid.
2. Nagsulputan na rin ang mga nagtitinda ng Halo-Halo, Fruit Shakes, Ice Cramble, Ice Candy, Sago’t Gulaman at iba pang pagkaing pampalamig sa bawat kanto ng mga Barangay.
3. Mainit na ang tubig na dumadaloy sa ating mga gripo.
4. Kapag nagkakaubusan na ng yelo at ice tubig sa mga tindahan.
5. Naka-highlight na sa mga fast food chains/restaurants ang mga “summer coolers” sa kanilang menu.
6. Dagsa na rin ang mga tao para tumambay at magpalamig (nakiki-aircon lol) sa mga malls.
7. Panay-panay na rin ang mga discounts sa air fare ng mga travel agencies.
8. Nagkalat na sa paligid at sa internet ang mga resort’s ads offering reasonable prices and discounts.
9. May series of sales na rin ang mga malls sa kanilang tindang “under garments”.
10. Umiiksi na ang tela ng damit na suot ng kapitbahay nyo.
11. Marami na ang nagse-selfie ng naka trunks, bikini at two piece sa fb/instagram.
12. Marami na rin ang mga nagse-selfie under water.
13. Yung mga nagpapapicture ng 20% face at 80% cleavage *evil grin*
14. Kapag marami na ang nagso-solicit para sa mga paliga ng basketball.
15. Kapag marami na rin ang nagkakasakit ng sore eyes, pigsa, sun burns at bungang araw.
16. Halos karamihan ng nakakasalubong mo sa daan ay naka sun glasses.  Kapag tinanggal, may sore eyes.
17. Uso na naman ang “Operation Tuli”.
18. Talamak na rin ang mga insidente ng sunog. Kaya doble ingat po para sa lahat.
19. Mas mahaba na ang araw kesa gabi.  Kung mapapansin ninyo, pasado ala-sais na ng gabi, maliwanag pa rin sa labas.
20. Kina-karir na rin ng mga empleyado ng mga kumpanya ang pagpapaputi ng kanilang mga kili-kili bilang paghahanda para sa kanilang company outing.

Ikaw, ready na ba for summer?

#Summer2014

#Bakasyon