Ang Taho bow!

Ang Taho bow!

Tahooo! Tahooo! Tahooo!

Sigaw ni Manong tuwing umaga

Mga batang paslit ay maagang gumigising

Ayan at nag-uunahan na

Tangan ang barya at basong sisidlan

Mga munting mata'y nakangiti

At matyagang nag-aabang

Habang isinasalin ni Manong

Taho, arnibal at sago sa kanilang lalagyan

Masustansya ang Taho

Sapagkat ito ay gawa sa Soya

Isang uri ng butil

Na mayaman sa sustansya at protina

O kay sarap gumising tuwing umaga

Kapag may isang basong Taho

Sa hapag ay nakahain na

--------

Oh ha, bigla akong naging makata lols... sa kakahintay kay manong na magtataho dito sa amin, eto out of the blue bigla akong nakapag compose ng isang tula about Taho.  Mejo matagal na din akong hindi nakakatikim ng Taho kaya bigla akong nag-crave. Eh ang kaso, walang dumaan na magtataho today, bad trip! >_< tamang pang-asar lang.  Kung kelan hinihintay mo saka naman hindi darating.  Kahapon ng umaga naman, may dumaan dito kaso hindi ako nakabili kasi sobrang antok pa ako.  Ngayon naman na maaga akong gumising para mag-abang ng magtataho, wala naman dumating.  Bukas talaga bibili ako!

--------

So kamusta naman ang inyong Undas at long weekend?  Ilang araw din akong walang updates dito kasi wala lang, gusto ko lang hahaha... nakiki long weekend din ako kahit di bagay lols.  I'm sure yung iba sa inyo may hang-over pa at tinatamad pang pumasok sa school at work.  Back to reality na ulit tayo.  Time to rise and shine!  Ang dami ko pa lang dapat gawin right after na mai-post ko ito. Ang daming blog updates na dapat basahin.