Happy Halloween!

I know hindi naman ganun talaga kagarbo at sini-celebrate ang Halloween dito sa Pilipinas pero nonetheless, babatiin ko na din kayo ng isang HAPPY HALLOWEEN! Trick or Treat!? Buwahahaha! *ubo ubo*

--------

Ikaw ay isang 90's kid kung naaalala mo itong Halloween Special ni Kabayan Noli De Castro sa Magandang Gabi Bayan.  Natatandaan ko pa tuwing nalalapit na ang panahon ng Undas noon, hindi nawawala sa itinerary ni Kabayan na manakot ng kanyang audience sa pamamagitan ng mga topic na tungkol sa kababalaghan.  Lagi ko tong pinapanood noon kasama ng mga kapatid ko.  Sama-sama at tabi-tabi kami sa sofa sa sala at may naka-ready pa kaming kumot noon.  Para pag di na namin ma-take ang katatakutan sa pinapanood namin ay sabay-sabay kaming magtatalukbong at magtatago sa ilalim ng kumot haha.  At ang mas grabe pa noon, pag-oras na ng tulugan, ayan na, sobrang hirap makatulog dahil ang laman ng utak ko ay puro yung mga nakakatakot na scenes ng MGB na napanood ko.  Super epektib talagang panakot ito noon.

Isa pang naaalala ko dati tuwing Undas ay nag-iipon kami ng mga kapatid at kalaro ko ng mga lusaw na kandila, iipunin namin yon, then gagawing bola.  Then pag nagsawa na kami, tutunawin namin yun sa isang lata then bahala na kung anu ang maisipan mong gawin sa sopas na kandila haha.