El Niño at Summer!

Buwan na ng Marso at opisyal nang masasabi na nagsimula na ang ating mahabang summer season dito sa bansa. Ngunit kakaiba ang init na nararanasan natin ngayon dahil na rin sa epekto ng "El Niño" Phenomenon. Buwan pa lang ng Pebrero ay naranasan na natin ang tindi ng init na dulot ng El Niño. Ayon sa PAG-ASA, asahan pa raw natin ang mainit at maalinsangang lagay ng panahon sa pagsapit ng buwan ng Abril at Mayo.

Headline ngayon sa mga dyaryo at news programs ang grabeng pinsala na tag-tuyot na dala ng El Niño. Nakakaawa ang ating mga kababayang magsasaka sa mga karatig lalawigan lalo na yung mga nasa northern at central part ng Luzon at sa iba't-ibang panig ng ating bansa. Tuyot ang lupa at nangamatay na ang kanilang mga pananim dahil sa kawalan ng suplay ng tubig mula sa mga irigasyon. Bumaba na rin sa critical level ang tubig sa mga dams na siyang nagsusuplay ng tubig sa mga taniman. Kahit magsagawa ng cloud seeding operations ang gobyerno ay huli na rin ang lahat. Umulan man ay di na ito sasapat upang buhaying muli ang lupang tigang. Bigla rin tuloy nauso ang rotating brownouts dahil kulang sa sapat na tubig ang mga dams para patakbuhin ang mga makina na gumagawa ng kuryente. Humina na rin ang pressure ng tubig na sinusuplay sa mga kabahayan dahil bina-budget na ng mga dam operators ang natitira pang tubig sa loob ng dam. Dati rati kung umaabot sa second floor ng bahay ang daloy ng tubig, ngayon ay hanggang sa first floor na lang. Minsan ay wala pa. Wish ko lang ay sana napaghandaan ito ng ating gobyerno noon pa man para hindi na humantong sa ganito ang lahat.

Alam din naman natin kung bakit nangyayari ang mga bagay na ito. Ang El Niño ay isa lamang sa mga masamang epekto ng lumalalang "Climate Change" sa ating mundo. Nagsusumigaw din ang katotohanan na tayong mga tao (di ko naman nilalahat) mismo ang siyang dahilan kung bakit tayo nakakaranas ng hagupit ni Inang Kalikasan. Pero hindi ito ang panahon para magsisihan. Marami pa tayong maaaring gawin. May pag-asa pa. Mahalin natin ang ating Inang Kalikasan. Sa ating munting paraan ay makakatulong tayo upang hadlangan ang masamang epekto nito. Magtipid sa tubig, magtanim ng maraming puno at maging disiplinado sa pagtatapon ng basura sa tamang lugar. Lastly, manalangin tayo at humingi ng tulong kay Bro ^_^

*phew* medyo naging seryoso ako dun ah... :)



On a lighter note...

Naku, kelan ba ako huling nakatuntong sa beach? Mukhang ten years ago na yata. lols. Sana this summer ay makabisita naman ako sa isang beach resort para makapagrelax at makapagpalamig man lang kahit saglit. Kahit sa isang swimming pool resort ay ayos na sa akin. Basta ma-enjoy ko lang ang summer vacation. Gusto ko rin magbakasyon sa Baguio. Yung maranasan ang malamig na panahon kahit na nagbabaga na ang temperatura sa Maynila ay cool na cool pa rin ang lagay ng panahon sa Baguio. Gusto ko din pumunta sa sikat na taniman ng strawberry sa La Trinidad Benguet at makita ng personal ang Banaue Rice Terraces!

I am also craving for some cold stuffs like Halo-halo, fruit shake, ice candy, ice cream, ice cramble, malamig na sago at gulaman, buko juice or kahit ice-tubig ay pinapatos ko na, maibsan lang ang init na nararamdaman ko dahil sa tag-araw.