Thank you's and some realizations of the past year

Hey, yoh! Kamusta naman ang lahat?  Kumpleto pa ba ang inyong 10 little fingers, the left and the right? Yes? Good!  Sana ay naging masaya ang pagsalubong ninyo sa taong 2014.  I’m sure marami pa sa inyo ang may hang-over at wala pang mga tulog.  Pero, ayos lang yan.  Ang mahalaga naman ay naipagdiwang ninyo ang bagong taon ng masagana at makabuluhan kasama ang inyong mga kapamilya.

• Nais ko rin pasalamatan ang lahat ng mga kaibigang bloggers na naging bahagi ng munting espasyo na ito sa nagdaang taon na 2013.
• Maraming salamat sa aking mga kaibigang naging totoo at sinsero sa kanilang mga salita.  Naramdaman at na-appreciate ko po ng sobra iyan.
• Maraming salamat sa iyo na tumanggap at yumakap sa aking mga kakulangan, kalokohan at ka-emohan.
• Maraming salamat sa iyo na patuloy na nakaka-appreciate sa aking mga blogpost, mahaba man ito or maikli; may kwenta man or wala.
• Maraming salamat sa iyo na walang sawang bumibisita at nagdadagdag ng “page hits” sa pahinang ito.

Syempre, after ng ilang pasasalamat, nais ko rin naman ibahagi sa inyo ang ilang mga bagay na natutunan at na-realized ko sa nakalipas na taon:

• Hindi lahat ng taong nakikilala at nakakasalamuha mo ay magiging totoo sa iyo.  Karamihan sa kanila ay mga nagpapanggap na mabuti lang.  Marami sa kanila ay sa simula lang magiliw sa iyo.  Pero sa paglipas ng panahon, makikita mo, unti-unti ka na rin nilang makakalimutan.
• Nakakapagod rin pala yung habol ka ng habol sa taong inakala mo ay may pagpapahalaga sa iyo.  Isang malaking katangahan ang patuloy na habulin pa ang isang taong ni kahit minsan ay di ka man lang nagawang lingunin.
• May mga taong sagana lang sa salita.  Kulang naman sa gawa.  Yung mahilig mangako.  Hindi naman pala kayang pangatawanan.  Kaya in the end, nga-nga ka!
• Hindi rin katanggap-tanggap yung sasabihan kang "busy" siya. Pero makita-kita mo, sa iba may panahon siya.  Isang malaking BS!
• Huwag tayong pipili ng kaibigan na magpapayong lamang sa atin sa panahon ng tag-ulan.  Piliin natin ang kaibigan na makapagbibigay sa atin ng pananggalang sa anumang uri ng panahon.

Kaya ngayong 2014, dapat maging mapagmatyag, mapangahas... matanglawin! *evil grin*

Happy New Year!