Aratiles

Madalas kong mapansin ang malaking puno na ito ng Aratiles na nakatanim sa isang bakanteng lote di kalayuan sa bahay namin. Sa tuwing nagdaraan ako sa tapat nito ay laging napupukaw ang aking atensyon sa mga hitik na bunga nito. Mapupula at ang iba "maniba" lang. Marami din mga maliliit na batang naglalaro ng holen sa lilim nito. Yung iba kapag nakaramdam ng konting gutom ayun at inaakyat nila agad ang puno para mamitas ng mga bunga nito at may instant snack na sila.

'Di ko tuloy napigilan ang sarili ko na magreminisce ng mga magagandang ala-ala noong ako'y isang maliit na bata pa. Natatandaan ko pa dati na tinatawag namin ng mga tropa kong chikiting na pinoy version ito ng cherry at ng grapes. Gustong-gusto kong mamitas ng bunga nito noon tuwing pagkatapos umulan. Paniwala ko kasi noon na nakakatulong ang ulan para mapabilis ang paghinog ng mga bunga nito. Paborito kong tikman yung "yellow'ish-green" ang kulay or yung tinatawag nilang "maniba" lang. Mild lang kasi yung sweetness nya unlike dun sa dark-red ang kulay. Naalala ko din dati na nilalagay pa ng kapatid ko yung bunga nito sa ref para lumamig at masarap daw kainin. Dati, pag sobrang taas na ng puno ng aratiles at hindi ko na kayang akyatin, madalas akong gumawa ng "improvised" na panungkit mula sa mga pinagdugtong-dugtong na mga patpat or sanga ng kahoy. Kung wala naman akong makitang patpat or sanga, solb na ako sa tsinelas. Babatuhin ko lang yung sangang may bunga gamit ang tsinelas at presto, malalaglag na ang bunga. Pero kadalasan, yung bunga na lang yung nahuhulog minus my tsinelas dahil ayun nasampid na sa sanga sa taas lol. Pero pag siniswerte ka, hindi lang yung bunga at tsinelas mo ang malalaglag sa ulo mo, may pabonus pang higad or uod na makati sa balat. Then kapag wala pang bunga yung puno ng aratiles, peyborit naming maglambitin na parang mga unggoy sa mga sanga nito. Marami-rami na rin yata kaming naputol na mga sanga ng aratiles noon at kung minsan ay nababakli pa pati yung buong puno dahil sa kakulitan namin. Kuyugin ba naman ng isang batalyon ng mga chikiting ^^ (sorry po mother nature; sorry denr, mga bata lang po ^_^) At dahil wala akong makitang puno ng bayabas noon, nakagawa na rin ako ng tirador gamit ang mga sanga nito.

May medicinal value din pala ang mga dahon ng aratiles. Paki consult na lang si pareng Google.

Yan ang Aratiles, bow!