Ang simula ng pagbabago...

Nais kong i-share sa inyo ang isinulat ni Ms. Bettina Carlos sa kanyang column na Wanna Bet mula sa pahayagang PM (Pang-Masa)

Sino ang nanalo sa nagdaang eleksyon? Tayo!
Winner tayong lahat - tayo, ang mga Pilipino na bukas na tinanggap ang panibagong pamamaraan, teknolohiya at proseso ng pagboto; na sa halip ng init at hirap ng pinagdaanan noong Lunes ay in-exercise pa rin ang karapatang bumoto; ang mga volunteers na masinop na nagbantay at tumulong upang mairaos nang matiwasay ang halalan. At siyempre, kahit hindi winner sa numbers ay winner din sa akin ang mga kandidatong nag-concede dahil sa kanilang ipinakitang sportmanship. Pagpapakumbaba at pagtanggap sa katotohanan nang taas-noo. Ito ang ipinakita ng mga kandidatong tinanggap ang kanilang pagkatalo sa mga hinirang at mistulang panalo na. May I quote:

Manny Villar: "I come to you now to accept the people's verdict," - Nang akala kong si Villar pa ang hindi susuko, isa sya sa mga pinakaunang nag-concede. Ani pa niya, "My dream to eradicate poverty does not end here and I intend to continue this, maybe in a different way." This is nice to know, Senator. Hindi naman sa pagkapangulo lamang maaaring ipakitang maiaahon ang ating lipunan mula sa kahirapan. Nawa'y sa iyong pagpapanatilihang katungkulan ay malinis mo ang iyong pangalan mula sa mga pangit na akusasyong lumabas sa panahon ng kampanya.

Eddie Villanueva: "I will find ways to help in nation-building espcially in areas where we could pursue social reforms that would benefit the majority of the Filipino people." Amen!

Gilbert Teodoro: "The election is over and through the grace of God the process has been peaceful. The people have spoken. I hope they will use this opportunity to serve the country well." Isa ito sa ipinagpapasalamat ko. Na sa halip ng mga sabi-sabi at husga na magkakaroon ng failure of elections, ay naidaos natin ang halalan nang tahimik at mabisa. At siyempre na may gabay ng Panginoon.

Richard Gordon: "I congratulate Noynoy for this spectacular victory. I call on our people to support him. I ran a straightforward campaign and thought that we could run on the basis of platform, track record, vision and volunteerism." Sir, nawa'y ituloy n'yo pa po ang pag-materialize sa lahat ng inyong ine-envision para sa ating bayan. Sana ay mag-multiply ang mga opisyal na kasing driven at kasing sipag ninyo.

But we don't end here. Hindi lamang dahil mapayapa at matagumpay ang 2010 elections ay titigil na tayo rito. Sa katotohanan, ito pa lamang ang simula - ang unang hakbang tungo sa ating inaasam na mas magandang kinabukasan.

------------------------
My personal note:
Ako'y taos pusong nagpapasalamat sa ating Poong Maykapal at naging matagumpay at mapayapa sa pangkalahatan ang nagdaang halalan. Ako'y sumasaludo din sa ating mga kababayang nagtyagang pumila makaboto lamang. Hindi nila alintana ang init ng panahon, siksikan, uhaw, gutom, pagod at haba ng pila maihayag lamang sa samabayanan ang kanilang boses. Maraming salamat din sa mga guro, poll watchers, at mga pulis na matyagang nagbantay noong halalan.

Sa mga nanalong kandidato, nawa'y ito na ang simula ng pagbabagong inaasam-asam ng bawat Pilipino. Sana ay ibalik ninyo sa taong bayan ang tiwalang ibinigay nila sa inyo sa pamamagitan ng pagtupad sa inyong mga pangako.

Sa mga natalong kandidato naman ay tanggapin natin ng maluwag at taos sa ating mga puso ang pagkabigo. Alalahanin din sana natin na kahit wala tayo sa katungkulan ay maaari pa rin tayong tumulong at maglingkod sa bayan.

Ito na sana ang simula ng pagbabagong ating hinahangad...