First Blog Anniversary!

Eksaktong isang taon na din pala ang nakalipas nang muli kong suungin ang mundo ng blogosperyo. Nasabi kong "muli" ay dahil lingid sa inyong mga kaalaman ay hindi na bago sa akin ang blogging. Una akong naengganyong magsulat sa isang blog noong taong 2006. Halos isang taon din ang itinagal ng aking blog bago ako pansamantalang huminto dahil sa ilang mga problemang personal. Then after almost three years in "hiatus mode", heto at muli akong nagbalik dahil na rin sa "sulsol" (lolz) or should I say encouragement ng aking dalawang barkada dito sa amin na nakasabayan ko din sa pagba-blog noon pa. Ang dalawang salarin ay walang iba kundi sina pareng Chester at Eiji. Ayun nasa buddy list ko yung link ng blogs nila. Pero ewan ko ba, kung sino pa yung nagyayang bumalik ako sa pagba-blog eh sila pa yung mga nawawala sa eksena ngayon. Mga adik kasi sa Dota at War of Weapons haha!

Anyways, hilig ko na talaga ang magsulat sa blog. Although I know deep inside me na I'm still an amateur pa in terms of blogging. Ayon nga sa matandang kasabihan, "marami pa akong kakaining bigas". Napakarami ko na din mga nakilalang mga bloggers at kalimitan ay sa kanila ako kumukuha ng inspirasyon upang ipagpatuloy ko pa ang pagsusulat sa blog. Napakaraming mga bagay na din ang natutunan ko mula sa kanila. Lalo akong naiinspire sa tuwing nakakakita at nakakabasa ako ng mga "well-written blogs".

Sa lahat ng aking mga naging kaibigan at naging bisita dito sa aking blog, taos puso akong nagpapasalamat sa inyong lahat dahil naging bahagi kayo ng isang "fruitful year" ko dito sa mundo ng blogging. Sana ay huwag kayong magsasawa at samahan ninyo akong muli sa panibagong taong ito. Maraming Salamat!!! Inuman na!!! *cheers* *kampai*