Anong mas gusto mo?

Minsan sa buhay, ang daming choices pero hindi mo alam kung anong pipiliin mo. Pero minsan naman dalawa lang ang pagpipilian pero grabe kahirap mag-decide. Bilang tao kasi, gusto natin makuha at matamo ang lahat ng bagay na makakapagpaligaya sa atin. Subalit ang buhay ay hindi laging patas. Kaya nga sabi nila, you can't have your cake and eat it too. We simply just can't have everything. Maaari nating makuha ang lahat ng gusto natin pero hindi sabay-sabay. Paisa-isa lang. So anyway on this note, naisip ko ang mga sumusunod na bagay na madalas nating itanong sa ating mga sarili.

[^] Anong mas gusto mo, mag-alaga o alagaan?
[^] Anong mas gusto mo, iyong mas mahal mo o mas mahal ka?
[^] Anong mas gusto mo, mahabang buhay o masarap na buhay?
[^] Anong mas gusto mo, mataba ka at maligaya o payat (sexy/macho) pero malungkot?
[^] Anong mas gusto mo, pangit pero nakakatawa o guwapo pero boring?

Hindi masamang lumigaya o gustuhing lumigaya. Ang tanong lang ay paano ito makakamtan. Mahirap mamili lalo na kung lahat ay gusto mo. But I think it can be easier if we know our desires and priorities in life at its particular points.

Halimbawa, kung bata ka pa, ang dapat mong ginagawa bukod sa mag-aral ay mag-enjoy. Magkaroon ng mga kaibigan, lumabas at danasin ang buhay. Kapag naman nagtatrabaho ka na, magshishift ito ng kaunti dahil mas kailangan mong bigyan ng pansin at oras ang pagtatrabaho, kasama na riyan ang pag-iipon para sa kinabukasan mo. Kapag naman stable na ang trabaho mo, pwede ka na rin magseryoso sa pagkakaroon ng boyfriend or girlfriend na siyang maaaring pangmatagalan na, na maaari mo nang pakasalan. At once magdecide kang i-pursue ang isang tao. Kailangan mong tanungin ang sarili mo kung handa ka na bang i-give up ang nightlife, ang paggigimmick hanggang sa pumutok ang araw at harapin ang responsibilidad ng pagkakaroon ng may-bahay. Kapag naman nag-asawa ka na, kaagad mo bang igi-give up ang "alone time" niyong mag-asawa para magkaroon ng mga anak o eenjoyin niyo muna ang company ng isa't isa na kayong dalawa lang. O kaya naman kapag nagasawa ka na at babae ka, titigil ka ba sa pagtatrabaho, kung halimbawa, hilingin ng asawa mo? Pag nagkaanak ka naman, paano mo sila palalakihin? Magiging strikto ka ba para hindi lumaking suwail ang anak mo o hindi mo sila paghihigpitan kasi alam mong habang sinasakal ay mas kakawala at magrerebelde sila?

Masarap pero mahirap ang buhay. Pero sa tingin ko lang ay dapat alam natin ang gusto natin. Know what you want in life. Know your priorities and you wont get lost. You wont even have a hard time choosing.

Kinuha mula sa kolum na Diklap ni Ms. Anne ng Dyaryong PM.