Change 101 - Renewal

Mr. Anthony Pangilinan (husband of actress Maricel Laxa-Pangilinan) is one of my favorite Filipino motivational speaker.  He has a weekly morning tv program on Aksyon TV 41 called Magbago Tayo.  I admit, hindi ako madalas nakakapanood or nakakapakinig ng programa niya tuwing Sabado. Kadalasan ay naghihintay lang ako ng mga updates through their Facebook page. Then last Saturday (May 10), they had this very good topic about RENEWAL - Recovering from the storms of life.  It's a good thing na palagi silang nagpo-post ng summary of the topic on their FB page na maaaring pagnilay-nilayan ng kanilang mga viewers at followers.  Heto ang aking piece about Renewal.

Remember that storms are a part of life

- May mga pagkakataon talaga na nakakaranas tayo ng "bagyo" or "unos" sa ating mga buhay. Ang bagyo na tinutukoy dito ay metaphor ng mga problema, suliranin at pagsubok na ating kailangang pagdaanan at malampasan bilang isang tao.  Huwag mangamba dahil normal na bahagi lamang iyan ng buhay.

Everyone loses something, sometime

- Lahat ng tao at bagay dito sa mundo ay may hangganan.  Darating at darating talaga ang panahon na mawawala ito sa ating mga palad gaano man natin sila pinaka-ingatan at minahal.

Not all that you lose is worth recovering

- Minsan mas mabuti na rin na hayaan na lang nating mawala ang isang tao or bagay sa ating buhay.  Kung ang dala naman nila ay puro pasakit at sama ng loob lamang.  Let go of the people na parang "shadow" lang ang role sa buhay mo. Yung tipong they stick around only during your brightest moments but disappear during your darkest hours.

Every loss is an opportunity to cross out what does not work

- Ang pagkawala ng mga bagay-bagay at tao sa ating buhay ay magsisilbing pagkakataon mo na rin upang pagnilay-nilayan at matuto sa mga leksyon na hatid ng nakaraan. Dahil dyan ay magiging mas matalino na tayo sa pagpili sa mga bagay at taong gusto nating makasama sa kasalukuyan.

Winning is made sweeter after losing

- Nobody is perfect.  Ayos lang na magkamali. Basta ba sa bawat pagkakamaling ito ay marami tayong natututunan. Dahil dito nahuhubog ang ating abilidad at karakter bilang isang tao.  Kung madapa man, bangon agad.  Harapin ang bawat bukas ng taas noo at may ngiti sa mga labi.  Laging tandaan na bawat matagumpay na tao sa mundo ngayon ay dumaan muna sa matitinding mga pagsubok bago nila narating ang rurok ng tagumpay.  Mas masarap makamit ang isang bagay kung alam mong ito'y iyong buong pusong pinaghirapan.

A loss is not necessarily at bad thing

- Hindi naman nangangahulugan ng kabiguan at kapighatian kung may nawala mang tao or bagay sa ating buhay.  Minsan mas mabuti na rin na nangyari iyon kung puro "negative vibes" lang din naman palagi ang hatid nila sa atin.

Look at the finish line, it might be closer than you think!

- Minsan, marami sa atin puro reklamo na lang ang alam gawin sa buhay. Konting "discomfort" or hirap lang na maranasan, todo reklamo na agad.  Ang hindi nila alam ay kulang lang sila sa tamang diskarte, sipag at tiyaga.  Kung yung mga oras at panahon na ginugol nila sa kaka-reklamo ay ginamit na lang nila ng mahusay upang mapabuti ang kalagayan at estdado nila sa buhay, eh di sana nakamit na nila ang minimithi nilang ginhawa.  Narating na sana nila ang "finish line".

#Renewal
#GoodVibes
#Inspiration