Movie review: The Christmas Shoes

I got curious to watch this movie when I heard the song "The Christmas Shoes" by the Christian band NewSong, playing at the background of Rix's blog.  Very meaningful ng kanta at maaantig talaga ang puso ng kahit na sino mang makakarinig dito. I searched for some information about it sa internet and I found out na based pala ito sa isang novel with the same title at ginamit din na theme song sa movie na "The Christmas Shoes".

---------------------

Kung bubuksan mo lang ang iyong puso, ang munting milagro ay maaaring maghatid ng isang malaking pagbabago sa iyo at sa buhay ng mga minamahal mo.

Iikot ang kwento sa buhay ng dalawang pangunahing pamilya sa pelikulang ito. Ang Andrews at Layton family. Ang mga Andrews ay masasabi nating nabibilang sa middle-class family.  Dito natin makikilala ang mag-asawang Jack (isang mekaniko) at Maggie (isang music teacher) at ang nag-iisa nilang anak na si Nathan, sampung taong gulang. Hindi man nakakariwasa sa buhay ay busog naman sa pagmamahal ang kanilang pamilya.  Ngunit susubukin naman ng tadhana ang kanilang samahan nang ma-diagnosed si Maggie na may malalang kaso ng congestive heart failure.

Kabaligtaran naman ito sa mga Laytons.  Nasa kanila na ang lahat - isang malaking bahay at magarang sasakyan. Ngunit hindi naman nararamdaman ang pagmamahalan dito. Ang myembro ng kanilang pamilya ay sina Robert - isang lawyer, laging subsob sa trabaho,  wala na halos oras para sa pamilya, at laging nakakalimot sa kanyang mga pangako para sa mga mahal niya sa buhay.  Ang kanyang asawang si Kate (isang teacher) at nagiisa nilang anak na si Lilly.  Masasabing magulo ang relasyon sa pagitan ng mag-asawa.

Sa simula pa lang ng pelikula ay mapapansin mong magkaka-konekta na ang buhay ng mga pangunahing tauhan. 

Magbabago ang pananaw sa buhay ni Robert sa isang hindi inaasahang pagkakataon nang magtagpo ang landas nila ni Nathan sa isang maliit na department store, isang malamig at nagyeyelong panahon ng Christmas eve.  Bitbit ng bata ang kahon ng isang pares ng sapatos.  Sa kasamaang palad ay kulang ang perang dala ni Nathan.  Lumuluhang lumayo si Nathan sa harap ng cashier na ikina-habag naman ng puso ni Robert.  Nilapitan niya ang bata at tinanong kung ano ang problema.

"Mister, did you ever know anybody that dying? 

This is going to be my Mom's last Christmas.

And I want to get her a new shoes... 

So she will look beautiful when... when she got to heaven."

Halos madurog ang puso ni Robert sa kanyang mga narinig - sa wagas at unconditional na pagmamahal ng isang bata para sa kanyang ina.  Siya na mismo ang nag-volunteer na bayaran ang sapatos na para sa ina ni Nathan.  Halos maluha naman sa kagalakan na nagpasalamat sa kanya ang bata. Pagkatapos ng tagpong iyon ay nagkaroon ng maraming realizations sa buhay si Robert.  Balewala ang anumang tagumpay at karangyaan kung hindi naman nya makakapiling ang asawa at anak.

~ One of the most heart breaking scene T_T ~

"Mom, I bought you these shoes... to wear in heaven..."

---------------------

This is a much recommended movie to watch this yuletide season kasama ang inyong buong pamilya. Marami kayong mabubuting bagay na matututunan sa pelikula.  Basta huwag nyo lang kalilimutang i-ready ang inyong mga tissue at panyo.

You can watch the entire movie here.

Maligayang Pasko!